इटहरी । शुक्रबार सबेरै इटहरीका मेयर द्धारिकलाल चौधरी, इटहरी वडा नं ४ का वडा अध्यक्ष चन्द्र भट्टराई सहितका जनप्रतिनिधि एमाले परित्याग गरि नेकपा एकीकृत समाजवादीमा प्रवेश गर्ने हल्ला मच्चियो ।
नेकपा एकीकृत समाजवादी इटहरी नामक फेसबुक अकाउन्टबाट यस्तो पोस्ट सार्बजनिक भएपछि राजनीतिक बृत्त मै तरंग पैदा गर्यो । एमालेका प्रदेश १ सदस्य समेत रहेका उपमहानगरपालिकाका मेयर द्वारिकलाल एमालेमा सन्तुष्ट भने छैनन् ।
सुनसरीमा एमालेले अबैधानिक कमिटी खडा गरेको भन्दै चौधरी सन्तुष्ट नभएका हुन् । जेठ २ अघि र पछिका दुबै कमिटिलाई पार्टीले मान्यता नदिइ नयाँ कमिटी गठन गर्ने दिन गत कात्तिक २४ गते उनले वैठकै वहिष्कार गरेका थिए ।
आफू जेठ २ गतेअधिको आधिकारिक अध्यक्ष रहेकाले वैठक आफनो अध्यक्षतामा हुनुपर्ने माग सम्वोधन नभएपछि उनले बैठक वैठक वहिष्कार मात्रै गरेनन् माइक खोसेर बोल्न खोज्दा चर्काचर्कीको अबस्थै आएको थियो । तर, सोही दिन एमालेले उनको माग सम्बोधन नगरि एमाले सुनसरी औपचारिक रुपमा एक भएको संदेश दियो र नयाँ कमिटिको अध्यक्षमा जिम्मेबारी खेमराज पोखरेललाई दिइयो । सुनसरीमा अहिले एमालेको कमीटि नै नयाँ छ ।
निक्कै हक्कि स्वभावका चौधरीले आफू एमालेमा असन्तुष्ट रहेको संदेश अहिले दिइरहेका छन् । केन्द्रमा नेकपा एमाले र एमालेबाट फुटेको नेकपा एकीकृत समाजवादी पानी बाराबारको अबस्थामा छन् । एता मेयर चौधरीले एकीकृत समावादीका अध्यक्ष माधव कुमार नेपाल, मुख्यमन्त्री राजेन्द्र राईसहितका नेतालाई घरमै दिवा भोज गराए । चौधरीले नेकपा एसका प्रदेश अध्यक्षसंग पनि वार्ता गरेका छन् ।
एता चौधरी र वडाध्यक्ष चन्द्र भट्टराइले भने आफू एमालेमै रहेको उल्लेख गराएका छन् । इटहरीको विकास निर्माणका विषयमा भेटघाट गरेको चौधरीले उल्लेख गरेका छन् । तर मेयरले राजनीतिक भेटघाटलाई बढवा दिनुले आफ्नो एमाले भित्रको असन्तुष्टि भने दर्शाएका छन् ।
