रामधुनी। बेलायतले कोरोनाविरुद्धको खाने औषधिलाई प्रयोगको अनुमति दिएको छ । मेरिकी औषधि कम्पनी मर्क एण्ड रिजब्याक बायोथेरापेटिक्सले संयुक्त प्रयासमा विकास गरेको खाने औषधिको प्रयोगको अनुमति दिने पहिलो राष्ट्र बेलायत बनेको छ ।
बेलायतको मेडिसिन एण्ड हेल्थकेयर उत्पादनको नियमक प्राधिकरणले मोलनूपिरावीर नामक औषधिको क्लिनिकल तथ्याङ्कको आधारमा मान्यता दिएको हो । यो औषधि कोभिड संक्रमण देखिएको वा संक्रमित भएको पाँचदिनभित्र खानुपर्नेछ ।
मोलनूपिरावीर कोरोनाभाइरस विरुद्धको विश्वको पहिलो खाने औषधि हो । अमेरिकामा भने औषधि प्रयोगको अझै पनि अनुमति दिइएको छैन । त्यहाँ नोभेम्बर महिनाभित्र प्रयोगको अनुमतिको सन्दर्भमा निर्णय हुने बीबीसीले जनाएको छ ।
