बराहक्षेत्र । सुनसरीको बराहक्षेत्र ८ स्थित सालबनी सितोरियो कराते डोजोले आयोजना गरेको प्रथम नगर स्तरीय कराते प्रतियोगिता सम्पन्न भएको छ ।
आयोजक टिम सालबनी सितोरियो कराते डोजो प्रथम बनेको छ । आयोजक सालबनीले १० स्वर्ण पदक प्राप्त गर्दै प्रथम बनेको थियो भने दोस्रो स्थान हासिल गरेको कालावन्जार डोजोले ५ स्वर्णमा चित्त बुझायो । त्यस्तै, तेस्रो बनेको टिम प्रकाशपुर डोजोले २ स्वर्ण हात पार्यो ।
३ सय खेलाडी आमन्त्रित गरिएको भएपनि ९५ प्रतियोगितामा खेलाडी मात्र उपस्थित थिए । कुल खेलाडीमध्येबाट पुरुष तर्फका दिपेन कार्की प्रकाशपुर डोजोबाट बेस्ट फाइटर घोषित भए भने महिला तर्फबाट नडाहा डोजोकी आयुषा प्रधान बेस्ट फाइटर घोषित भएको आयोजक क्लब सालबनी डोजोका अध्यक्ष सागर राइले जानकारी दिए ।
क्लबले सोही कार्यक्रममा राष्ट्रिय तथा अन्तराष्ट्रिय स्तरमा पदक विजयी सम्मान पाउने खेलाडीलाई समेत सम्मान गरेको छ । सम्मानित हुनेमा अस्मिता राई, रोशन धामी, सुष्मा जिमी, शकुन्तला राई, सन्देश राई, पूजा चौधरी, विवेक राई, विनिता पोख्रेल, धन कुमार राई रहेका छन् ।
क्लबकी खेलाडी सारदा घिमिरे सभादक्ष्य, नगर उपप्रमुख कमला मगर प्रमुख अतिथि रहेको औपचारिक कार्यक्रममा सितोरियो कराते डोजो संघका प्रमुख प्रशिक्षक महेश कुमार श्रेष्ठ विशिष्ट अतिथिको रूपमा उपस्थित थिए । त्यस्तै, सुनसरी स्टार एकेडेमीकी अध्यक्ष सुसिला राई, बराहक्षेत्र कराते संघका अध्यक्ष होम पराजुली, चिल्ड्रेन हार्ट एकेडेमीका प्रिन्सिपल रोनि बिस्ट, काँग्रेस नेता रोशन खड्का लगायतका अतिथिको समेत उपस्थिति थियो ।
