रामधुनी। नेकपा ९एमाले०ले तत्काल किसानकालागि राहत प्याकेज घोषणा गर्न सरकारसँग माग गरेको छ ।
मंगलबार विज्ञप्ति जारी गर्दै एमाले प्रवक्ता प्रदीप ज्ञवालीले लगातारको वर्षातका कारण पीडामा परेका किसान परिवारलाई सम्बोधन हुने गरी राहत प्याकेज घोषणा गर्न सरकार सँग माग गरेका हुन् ।
वर्षाका कारण धानबाली भित्र्याउन ठिक्क परेको सखाप हुँदा किसानलाई असह्य पीडा भएको भन्दै किसान परिवारलाई सम्बोधन गरी तुरुन्त राहत प्याकेज घोषणा गर्न सरकारसँग एमालेले माग गरेको हो ।
एमालेले मौसम पूर्वानुमानको प्रभावकारी व्यवस्था गर्न, किसानलगायत आम नेपालीहरूले अप्रत्यासित रूपमा आउने यस्ता विपत्तिहरूको पूर्वजानकारी पाउने व्यवस्था सुनिश्चित गर्न समेत सरकारसँग माग गरेको छ ।
