इटहरी । प्रतिनिधिसभा विघटनसम्बन्धी मुद्दामा पक्ष विपक्षको बहस सकिएको सर्वोच्च अदालतले जनाएको छ ।
रिट निवेदकको पक्ष र विपक्षमा बहस र एमिकस क्युरीको राय सुनिसकेपछि सर्वोच्चले मुद्दा हेर्दाहेर्दैमा राखेर असार २८ गतेका लागि पेशी तोकिएको हो ।
प्रतिनिधिसभा विघटनविरुद्ध शेरबहादुर देउवासहित १४६ सांसदले सर्वोच्च अदालतमा रिट दायर गर्दै धारा ७६ (५) अनुसारको प्रधानमन्त्रीमा देउवालाई नियुक्त गर्न परमादेश माग गरेका छन् ।
उक्त रिटमाथि प्रधानन्यायाधीश जबरा, न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराईको इजलासमा सुनुवाइ भएको थियो ।
इजलासले रिट निवेदक र विपक्षीबाट असार १० गतेसम्म नै बहस नोट मागिसकेको छ । २८ गते पेशी तोकिएपछि अब त्यसै दिन फैसला आउन सक्ने आँकलन गरिएको छ ।
