रामधुनी । सुनसरीको रामधुनी नगरपालिका ६ मा पैनी माथि घर बनाएको भन्दै नेपाल राष्ट्रिय स्वतन्त्र किसान मोर्चाले ध्यानाकर्षण पत्र बुझाएको छ ।
स्थानीय क्याम प्रधानले पैनीमाथि घर बनाएर पैनी अवरुद्ध गरेको भन्दै सोमबार मोर्चाले निर्माण कार्य तत्काल बन्द गर्न माग गर्दै वडा अध्यक्षलाई पत्र बुझाएको हो ।
मोर्चाका अध्यक्ष पुष्प प्याकुरेलले सिँचाइ गर्न किसानले प्रयोग गर्दै आएको पैनी माथि प्रधानले मनोमानी ढङ्गले घर निर्माण गरेर पैनी मास्न लागेको आरोप लगाएका छन् । पछिल्लो समय जताततै प्लटिङ गर्ने कार्यले पनि कृषकले सिँचाई गर्दै आएकोले पैनी मासिन थालेको र बर्खाको समयमा ढल निकास हुन नसक्दा कृषकले लगाएको बाली डुबानमा परेर नष्ट हुने गरेको जनगुनासो व्याप्त रहेको छ ।उनले पैनी मास्न लागिपर्ने व्यक्तिहरूलाई वडाले तत्काल कारबाही नगरे कृषकहरु सडकमा आउन बाध्य हुने बताए ।
यता पैनीमाथि घर निर्माण गरेको भनेर आरोप लागेका क्याम प्रधानले भने आफ्नो जग्गामा टहरा निर्माण गरेको बताए । ‘नक्सामा पैनी १२ पुट चौडाइको छ ।
तर अहिले मेरो जग्गामा पैनी बगेको छ मैले आफ्नो जग्गामा टहरा बनाउन पाउने की नपाउने त्यहीँमाथि मैले कहाँ पैनी मासेको छु पानीको निकास मैले रोकेको छैन र मेरो टहरामुनि पानीको निकास रोकिन म दिन्न किसानको मार्का मैले बुझेको छु उनले भने’ ।
आफूले टहरा निर्माण गर्नु अगाडी नगरपालिकाबाट अमिन झिकाएर जग्गा नापेर निर्माण सुरु गरेको उनले बताए । ‘मैले टहरा निर्माण गर्दा कसैलाई चित्त बुझ्दैन भने माथिल्लो निकायमा गएर उजुरी दिन सक्नु हुनेछ । म सँग सबै प्रमाणहरू छन्’ । प्रधानले जग्गा नापेर टहरा निर्माण सुरु गरेको बताएका छन् । नक्सामा उल्लेख भएको पैनी भएको स्थानबाट पैनी निर्माण गर्ने हो भने सडक अवरुद्ध हुने उनले बताए ।
त्यसैगरी वडा नम्बर ६ स्थित जमुवा जाने सडकमा रहेको कलभर्ट समेत प्लटिङ कार्य गर्नेले पुरिदिएको भन्दै तत्काल पैनीको निकास दिन वडालाई ध्यानाकर्षण गरिएको छ ।
नम्बरी जग्गामा रहेको कलभर्ट पुरेर आफ्नो जग्गामा प्लटिङ गरेको प्लटिङ व्यवसायीले बताएता पनि मोर्चाका अध्यक्ष प्याकुरेलले स्थानीय जनता र स्थानीय निकाससँग सहकार्य नगरी लामो समयदेखि सञ्चालनमा रहेको पैनीको कलभर्ट पुर्दा खेतीयोग्य जमिन सँगै सयौँ बढी घर डुबानमा पर्ने खतरा बढेको बताएका छन् ।
‘आफ्नो जग्गामा जग्गाधनीले प्लटिङ गर्न त पाउँछ तर पानीको निकास त दिनुपर्यो नि, त्यो माथि लामो समयदेखि त्यहीँबाट पानीको निकास भइरहँदा समेत कृषकको बाली डुबेर नष्ट हुने गरेको थियो अव के हुन्छ उनले भने’ । बर्खाको समय भएकाले कृषकले लगाएको बाली र बस्ती डुब्ने खतरा बढेको भन्दै प्याकुरेलले कि प्लटिङवालाले जिम्मा लिनु पर्यो कि त वडाले नत्र भने किसान मोर्चा चुपचाप लागेर नबस्ने प्याकुरेलको चेतावनी छ ।
[url=http://cialiseli.com/]cialis for sale in india[/url] [url=http://brandivermectin.com/]where to buy stromectol online[/url] [url=http://a4drugstore.com/]no rx needed pharmacy[/url] [url=http://cialistwo.com/]buy tadalafil 20mg price canada[/url]