इटहरी । मोरङ र भोजपुरमा पानीमा डुवेर २ जना वेपत्ता भएका छन् । मोरङको पथरी शनिश्चरे नगरपालिका ८ मंगलबारेका २७ बर्षीय बिनोद पाण्डे माछा पोखरीमा पौडी खेल्ने क्रममा डुबी बेपत्ता भएका छन् ।
शनिबार बेलुका ६ बजे कानेपोखरी ६ स्थित हेरिका निर्माण सेवा प्रालिको माछा पोखरीमा डुबी बेपत्ता भएको खबर प्राप्त भए लगतै ईलाका प्रहरी कार्यालय पथरीबाट टोली खटि गई स्थानियको सहयोगमा खोजतलास भईरहेको छ ।
यसैगरी भोजपुरको अरुण गाऊपालिका ७ का २४ बर्षीय युवराज अधिकारी नदिले बगाई बेपत्ता भएका छन् । सोही स्थानको नसुवा र अरूण नदीको दोभानमा ९÷१० जना साथीहरुसंग मिलेर माछा मार्ने क्रममा अरूण नदिले बगाई बेपत्ता पारेको भन्ने खबर प्राप्त हुन साथ प्रहरी चौकी जरायोटाटबाट प्रहरी टोली खटि गई खोजतलास भईरहेको प्रदेश प्रहरी कार्यालय विराटनगरले जानकारी दिएको छ ।
नोटः पथरिशनिश्चरेका बिनोदको सब फेला परेको खबर प्राप्त भएको छ ।
