इटहरी । मोरङको बिराटनगर १७ मटेरुवा चौकबाट लागूऔषध सहित १ जना महिलालाई प्रहरीले पक्राउ गरेको छ ।
सुनसरी ईटहरी १ की ४१ बर्षीया रेखा न्यौपानलाई गएराति ईलाका प्रहरी कार्यालय रानीबाट खटिएको प्रहरी टोलीले पक्राउ गरेको हो ।
रेखाले बोकेको झोलाबाट लागूऔषध डाइलेक्स डिसि ५० बोतल, नाईट्राभेट १०० ट्याब्लेट, स्पास्म्मो प्रोक्सिभन प्लस ४३२ चक्की सहित नियन्त्रणमा लिएको हो ।
उनीमाथि थप अनुसन्धान भईरहेको प्रदेश प्रहरी कार्यालय विराटनगरले जानकारी दिएको छ ।
