इटहरी । प्रदेश १ मा शनिबार ५ सय ९१ जना कोरोना सङ्क्रमित थपिएका छन् । मोरङमा ३२७, झापामा १६०, सुनसरीमा ३७, ताप्लेजुङमा ११, भोजपुरमा १०, इलाममा ४, पाँचथरमा २, उदयपुरमा १ र प्रदेश १ बाहिरका ३९ जनामा सङ्क्रमण देखिएको सामाजिक विकास मन्त्रालयले जनाएको छ ।
प्रदेशमा शनिबार थपिएको यो संख्या केही दिन एताको कम हो । यस अघि अस्ति बिहीबार प्रदेश १ मा १ हजार ३९ जना कोरोना संक्रमित थपिएका थिए । यस्तै शुक्रबार ७ सय ५१ जनामा संक्रमण देखियो । यसरी हेर्दा संक्रमितको संख्या घट्दै गएको देखिएको छ ।
प्रदेश १ मा कोरोना सङ्क्रमितको सङ्ख्या ४३ हजार १९८ पुगेको छ । सङ्क्रमित भएका मध्ये ३० हजार ८५६ सङ्क्रमणमुक्त भएका छन् । शनिबार १४५ सङ्क्रमणमुक्त भएका छन् । सक्रिय सङ्क्रमितको सङ्ख्या ११ हजार ७०८ पुगेको छ ।
