इटहरी । कोरोना महामारीले विकराल रुप लिँदै जाँदा देशभरका २९ जिल्लाले निषेधाज्ञा जारी गरेका छन् । गृह मन्त्रालयले हिजो(शनिवार) साँझासम्म २९ जिल्लाले निषेध आदेश जारी गरेको जनाएको छ ।
गृह मन्त्रालयका अनुसार २३ वटा जिल्लामा पूर्ण र ७ जिल्लामा आंशिक निषेधाज्ञा जारी भएको छ । निषेधाज्ञा घोषणा गरिएकामध्ये २१ जिल्लामा हिजै निषेधाज्ञा लागू भइसकेको छ भने ९ जिल्लामा आज(आइतबार) देखि लागू भएको छ ।
नेपालमा कोरोना महामारी भयावह वन्दै गएको स्वास्थ्य मन्त्रालयको तथ्यांकले देखाउँछ । संक्रमण दर हिजो करिब ४० प्रतिशत पुगेको छ । १४ हजार ४०३ नमूनाको पीसीआर परीक्षण गर्दा ५ हजार ७०६ जना अर्थात् ३९.६१ प्रतिशतमा संक्रमण देखिएको हो ।
यो हालसम्मकै उच्च संक्रमण दर हो । महामारी तिब्र रुपमा बढेको र सरकारले खासै पहल नगरेको भन्दै जनस्वास्थ्यविद्ले चिन्ता व्यक्त गर्न थालेका छन् ।
विज्ञले कोरोना संक्रमितको उपचारका लागि रंगशाला, सभागृह र अन्य खुला ठाउँ समेत प्रयोग गर्न विज्ञले सुझाव समेत दिएका छन् ।
