इटहरी । छ वर्षअघि गोरखाको बारपाक केन्द्रविन्दु भएको भूकम्पको छैटौं स्मृति दिवस स्वास्थ्य सुरक्षाका मापदण्ड अपनाएर विभिन्न चेतनामूलक कार्यक्रम आयोजना गरी मनाइँदैछ ।
यस अवसरमा राष्ट्रिय पुनःनिर्माण प्राधिकरणले भूकम्पले पारेका प्रभाव, भएका उपलब्धि, हालसम्मको सिकाइलगायत विषयलाई समेटेर कार्यशाला गोष्ठी आयोजना गरेको छ ।
वि.सं. २०७२ वैशाख १२ गते शनिबार मध्याह्न ११ः५६ बजे गोरखाको बारपाक केन्द्रविन्दु भएको ७.६ रेक्टर स्केलको भूकम्प गएको थियो । भूकम्पले आठ हजार ९७९ जनाको निधन भएको थियो भने २२ हजार ३०९ घाइते भएका थिए ।
यसैविच राष्ट्रिय पुननिमार्ण प्रधिकरणका सहप्रवक्ता मनोहर घिमिरेले नेपालमा पूननिमार्णको प्रगति उल्लेख्य भएको दावी गरेका छन् । अन्य देशमा विपत पर्दा जुन गतिमा काम हुन्छ, त्यो भन्दा छिटो काम भएको उनको भनाई छ ।
त्यसको एक उदाहरण धरहरा भएको पनि उनको भनाई छ । धरहाको हिजो(शनिवार) प्रधानमन्त्री केपी सर्मा ओलीले उद्घाटन गरेका छन् । तर, सर्बसाधरणलाई भने निमार्णको काम बाँकी नै रहेकाले अबलोकनका लागि दिइएको छैन् ।
