इटहरी । मेची महाकाली बुहारी संयुक्त आवाज इटहरीले निसहाय बालबालिका सेवा आश्रमलाई स्टेसनरी र खाद्यन्नको सामाग्री सहयोग गरेको छ।
शनिबार सेवामा समर्पित भएर काम गर्ने प्रतिबद्धताका साथ खाद्यन्न र स्टेसनरीका सामाग्री संयुक्त आवजकि सुनसरी सह संयोजक पिंकी थापा सहितको समुहले आश्रमकी सञ्चालिका गिता गौतमलाई सामाग्री हस्तान्तरण गरेका हुन् ।
यो अभियान मुलक संस्थाले पीडितहरुलाई न्याय दिनको लागि ४८ वटा शाखा कार्यलयहरु स्थापना गरि सेवा दिदै आएको सदस्य कल्पना सुवेदिले बताईन।
आउँदै गरेको नयाँ वर्ष २०७८ लाई लक्षित गरी शुभकामना आदान प्रदान गर्दै आश्रमलाई सहयोग गरेको उपाध्यक्ष हरिमाया कार्कीले बताइन् ।
शुभकामना आदन प्रदान कार्यक्रममा बोल्दै विवाहित महिलाहरुलाई संगठित गरी लोक कल्याणकारी काममा सक्रिय रहदै आएको मेची महाकाली बुहारी संयुक्त आवाज इटहरीकी सहसंयोजक थापाले बताईन।
कार्यक्रममा सल्लाहकार मायाघर नेपालकी सचिव सुभद्रा प्याकुरेल,सफल व्यावसायि रन्जु सिग्देल ,आवाजकि कोषाध्यक्ष रेणु राई ,सहकोषाध्यक्ष बालकुमारी राई लगायतको सहभागिता रहेको थियो ।
मेची महाकाली बुहारी संयुक्त आवाज इटहरीले अन्य समयमा समेत महिला तथा बालबालिकाहरुलाई साथै अन्यायमा परेका व्यक्क्तीहरुलाई न्यायको पहुँचमा पुर्याउने जस्ता विभिन्न सामाजिक कार्यहरु गर्दै आएको सचीव भगवती खाड्काले बताईन।
