कोरोना संक्रमण फैलदै, झापामा भारतबाट आएकी महिलाको ज्यान गयो

इटहरी । कोरोना संक्रमण फेरि बढेसँगै झापामा एक जना संक्रमितको मृत्यु भएको छ । कनकाई नगरपालिका–३ सुरुङ्गा निवासी ३९ वर्षीया महिलाको कोरोना संक्रमणबाट ज्यान गएको हो ।

भारतबाट घर फर्किएसँगै श्वास प्रश्वासमा समस्या देखिएपछि बिर्तामोडको बिर्ता सीटी हस्पिटलमा उनलाई भर्ना गरिएको थियो । उनलाई दुईपटक पीसीआर परीक्षण गराउँदा दुवैपटक कोरोना पुष्टि भएको थियो ।

पछिल्लो २४ घण्टामा देशभर थप १२० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले सार्वजनिक गरेको अद्यावधिक विवरण अनुसार कूल संक्रमितको संख्या २ लाख ७६ हजार ५०९ पुगेको छ ।

प्रदेश १ मा आज ४ जनामा कोरोना सङ्क्रमण पुष्टि भएको छ । सामाजिक विकास मन्त्रालयले दिएको जानकारी अनुसार धरान उपमहानगरपालिकामा १ जना महिला, विराटनगर महानगरपालिकामा २ जना महिला र प्रदेश १ बाहिरका १ जना पुरुष गरी ४ जनामा कोरोना पोजेटिभ देखिएको हो ।

By फलैचा न्यूज

फलैचा न्युज डटकम सुनसरीकाे रामधुनी नगरपालिका बाट संचालित अनलाइन पत्रिका हाे ।

Leave a Reply

Your email address will not be published. Required fields are marked *

Related Posts

No widgets found. Go to Widget page and add the widget in Offcanvas Sidebar Widget Area.