इटहरी । मोरङ र सुनसरीमा भएका छुट्टाछुट्टै सवारी दुर्घटनामादुई जनाको मृत्यु भएको छ । मोरंगको ग्रामथान गाउँपालिका–४ का २५ बर्षीय धिरज माझीको स्कुटी अनियन्त्रित भई दुर्घटना हुँदा ज्यान गएको छ ।
कटहरी–७ तकिया चोकमा स्कुटी अनियन्त्रित भई दुर्घटना हुँदा माझीको घटनास्थलमानै ज्यान गएको जिल्ला प्रहरी कार्यालय मोरङले जनाएको छ ।
यसैगरी सुनसरीको दुहबी नगरपालिका ८ बस्ने ६५ बर्षीया जगबती चौधरीको एम्बुलेन्सको ठक्करबाट ज्यान गएको छ ।
कोशी राजमार्गमा एम्बुलेन्सले ठक्कर दिँदा बाटो क्रस गर्दै गरेकी चौधरी घाईते भएका थिए ।
घाइते चौधरीको विहान नोवेल अस्पतालमा ज्यान गएको ईलाका प्रहरी कार्यालय दुहबीले जनाएको छ ।
