काठमाण्डौ । त्रिभुवन विमानस्थलबाट स्रोत नखुलेको १० लाख रुपैयाँ दुबई लैजान खोज्ने एक जना पक्राउ परेका छन् ।
पक्राउ पर्नेमा काठमाण्डौको कलङ्की घर भएका आशिष खाती रहेका छन् । नेपाल एअरलाइन्सको उडानबाट दुबई जान लागेका उनलाई विमानस्थलको एक्सरे क्षेत्रबाट स्रोत नखुलेको १० लाख रुपैयाँसहित पक्राउ गरिएको प्रहरीले जनाएको छ ।
खातीको साथमा रहेको १० लाख रुपैयाँको स्रोत नखुलेको र अवैध रूपमा विदेश लैजान लागेको गरि दुई वटा कसुर देखिएको प्रहरीले जनाएको छ ।
उनलाई थप कारबाहीका लागि त्रिभुवन विमानस्थल भन्सार कार्यालयमा बुझाइएको विमानस्थल प्रहरीले जानकारी दिएको छ ।
