इटहरी । जंगलमा घाँस काटिरहेको अवस्थामा हात्तीको आक्रमणबाट मोरङमा एक महिलाको ज्यान गएको छ । मोरङको सुन्दरहरैंचा नगरपालिका १० की २८ वर्षीया सीता पराजुलीको हात्तीको आक्रमणबाट ज्यान गएको हो ।
इलाका प्रहरी कार्यालय बेलबारीका अनुसार हिजो बिहान करिब ९ बजे हात्तीको आक्रमणमा परेर गम्भीर घाइते भएकी पराजुलीको विराटनगरस्थित कोशी अस्पतालमा उपचारका क्रममा ज्यान गएको हो ।
पराजुलीसँगै घाँस काटिरहेकी मीरा बोगटीले भागेर भागेर ज्यान जोगाएको बताए । बिहान बाक्लो हुस्सुका कारण हात्ती छेवैमा आउदाँसमेत थाहा नभएको बोगटीको भनाइ छ ।
