ताप्लेजुङ। ताप्लेजुङको पाथीभरा क्षेत्रको जङ्गलमा लागेको आगलागीले चरन तथा बासस्थान खरानी बनाएपछि रेडपाण्डा ९रातो हाब्रे० सङ्कटमा परेको छ ।
छ दिनदेखि लागेको आगो नियन्त्रणमा आउन नसक्दा पाथीभरा क्षेत्रको करिब ९० हेक्टर वन क्षेत्रमा डढेलो फैलिसकेको डिभिजन वन कार्यालयका फोरेस्टर फुपुग्याबु शेर्पाले जानकारी दिए । डढेलो फैलिने क्रम जारी रहेकाले कति वन क्षेत्र डढेलोले नष्ट गर्छ, अहिले आँकलन गर्न नसकिने उनले बताए।
पाथीभरा क्षेत्रको वनमा ८० हेक्टरभित्रको ब्लकमा आठदेखि ११ सम्म रेडपाण्डाको राम्रो चरन तथा बासस्थान भएको रेडपाण्डा क्षेत्रमा काम गर्दै आएको संस्था हिमाली संरक्षण मञ्चका कार्यक्रम संयोजक रमेश राईले बताए।
रेडपाण्डाको बासस्थान पूरै डढेलोले खरानी बनाएपछि कति रेडपाण्डा अर्को स्थानमा जान सफल भए वा कति आगोले जलेर मरे भन्ने अहिले अनुमान गर्न नसकिएको राईले बताए ।
आगलागीका कारण पाथीभरा क्षेत्रको फावाखोला जङ्गल र सिकैचा क्षेत्रको जङ्गलसमेत जलेको छ । हावा चलेकाले आगो एक क्षेत्रबाट अर्को क्षेत्रमा सजिलै फैलिरहेको पाथीभरा क्षेत्र विकास समितिका निर्देशक मनमणि काफ्लेले बताए ।
बिहिबार अग्नी रेखा बनाएर पाथिभरा मन्दिरलाई जोगाउने प्रयास भएको जिल्ला प्रहरी कार्यालय ताप्लेजुङले जनाएको छ आगो पैmलिन नदिन स्थायिनहरुको सहभागितामा आगो निभाउने कार्य भईरहेको को बताइएको छ । अहिले अगो बलेको अवस्था नरहेको धुवाँ भने उडिरहेको जिल्ला प्रहरी कार्यालय ताप्लेजुङले जनाएको छ ।
आगलागीको कारण भने अझै खुलेको छैन । स्थानीयवासीसहित नेपाली सेना, नेपाल प्रहरी र सशस्त्र प्रहरीको टोलीले अहिले सम्म आगो निभाउने प्रयास गरिरहेका छन् ।
