रामधुनी । सुनसरीको इटहरी १७ मा रहेको सुविधा बचत तथा ऋण सहकारी संस्थाले आफ्नो ११ औं बार्षिक साधरण सभा सम्पन्न गरेको छ । कोरोना भाइरसको महामारीका बिच स्वास्थ्य सुरक्षाको मापदण्ड पालना गरेर संस्थाले शनिबार साधरण सभा सम्पन्न गरेको हो ।
संचालक समितीको तर्फबाट कार्यबाहक अध्यक्ष वेजीन्द्र निरौलाद्धारा प्रस्तुत गरिएको प्रतिवेदनमा कुल ४ सय ९० शेयर सदस्यहरुबाट ९६ लाख ६८ हजार ६ सय पूँजी संकलन भएको जनाइएको छ । हाल सो सस्थाबाट १ सय ६५ जनाले ऋण कारोबार गरिरहेका छन् । सस्थाले अहिले दुई करोड ६७ लाख ३५ हजार ६८६ रकम ऋण लगानि गरेको प्रतिवेदनमा जनाइएको छ ।
यसैगरी सस्थाका लेखा समिति संयोजक रामराज महतद्धारा प्रस्तुत प्रतिवेदनमा कोरोना भाइरसको महामारीका कारण सस्थामा व्यापक असर परेको जनाइएको छ । महामारी नियन्त्रण गर्न सरकारले जारी गरेको लकडाउनको १ महिना पछि सस्था लगातार संचालन भएको छ । महामारीका विच पनि शेयर सदस्यलाई शेवा प्रवाह गरेको सहकारीको दावी छ ।
यसैबिच सहकारीको संचालक समितिको अध्यक्षमा वेजीन्द्र निरौला निर्वाचित भएका छन् । तत्कालीन अध्यक्ष हर्कबहादुर श्रेष्ठको निधन पछि उनले कार्यवाहका जीम्मेवारी समालेका थिए । साधरण सभाबाट उपाध्यक्षमा सन्तोष श्रेष्ठ चयन भएका छन् । 
