काठमाडौं । नेपाल उद्योग वाणिज्य महासंघको निर्वाचनलाई अवैधानिक संज्ञा दिदैं उक्त निर्वाचन रोक्न भन्दै सोमबार सर्वोच्चमा रिट दायर गरिने भएको छ ।
नेपाल उद्योग वाणिज्य महासंघ प्रदेश नम्बर दुईका अध्यक्ष शिबशंकर शाहले आज सर्वोच्चमा रिट हाल्ने भएका हुन्। उनी रिट दायर गर्न भन्दै बिहान १० बजेको फ्लाइट बाट काठमाडौँ आउँदै छन्। काठमाडौँ आए लगत्तै जिल्ला प्रशाशन कार्यालय जाने उनको योजना छ। प्रशाशन कार्यालयले उनको निवेदन उपर चित्त बुझ्दो जबाफ नदिए उनी सोझै त्याहाबाट सर्वोच्च जाने भएका हुन्।
“ म अहिले १० बजेको फ्लाइट बाट काठमाडौँ आउँदै छु। काठमाडौँ आए लगत्तै पहिले प्रशाशन कार्यालय जान्छु । प्रशासनले मैले हालेको रिटमा चित्त बुझ्दो कारबाही नगरे सोझै सर्वोच्चमा रिट दायर गर्छु” शाहले मेरो लगानी सँग भने।
उनले यस अघि महासंघको निर्वाचन अवैधानिक भन्दै जिल्ला प्रशाशन कार्यालयमा निवेदन दिएका छन्। उनले दिएको निवेदनमा राष्ट्रिय निर्देशन एन २०१८ अन्तर्गत दर्ता भएको संस्था भएकोले सरकारको प्रत्यक्ष निगरानी रहने हुँदा, निर्वाचन प्रतिनिधिहरूको पदावधि समाप्त भएपछि अर्को निर्वाचन नहुने बेला सम्म काम गर्न तदर्थ समिति गठन गरी त्यसै समिति द्वारा निर्वाचन गर्नु पर्ने माग छ। सोही माग लिएर उनी सर्वोच्च जाने भएका हुन्।
