रामधुनी । सुनसरीमा यस वर्ष देउसी भैलो र भेला भएर छठ पर्व मनाउन प्रशासनले रोक लगाएको छ । जिल्ला प्रशासन कार्यालय सुनसरीले स्थानिय प्रशासन ऐन २०२८ र सक्रामक रोग ऐन २०२० बमोजिम निशेधाज्ञा जारी गरेको हो ।
प्रशासनले जिल्लाभर लागु हुने गरी कार्तिक २४ गते आजदेखी मंसिर ६ गते सम्मको लागि निषेधाज्ञा जारी गरिएको जनाएको छ । प्रशासनले कोरोना संक्रमणको जोखिम बढी रहेकोले दिपावली र छठ पर्वमा शक्तिपिठ, मन्दीर र समाजमा हुने सामुहिक भेला, पुजाआजा गर्न नपाउने जनाएको छ ।
उसले तिहारमा देउसी भैलो र नदि वा जलासय किनारामा भेला भएर छठ पुजा समेत गर्न नपाइने जनाएको छ । जिल्ला प्रशासन कार्यालय सुनसरीका सहायक प्रमुख जिल्ला अधिकारी महेश पोखरेलले जारी गरेको निषेधाज्ञा समबन्धी सूचनामा मन्दीर, मस्जीद, चर्च, गुम्वालगायतमा भेला जम्मा भई कुनैपनि धार्मिक गतिविधिहरु गर्न नपाउने भनिएको छ । 
