सुन्दरहरैंचा । नेपालीहरुको महान चाड बडा दशैं नजिकिँदै गर्दा यस सँग सम्बन्धित गीत संगीतहरु सार्वजनिक हुने क्रमले पनि तिब्रता पाइरहेको छ ।
यसै अवसर पारेर कोरोना भाइरसको संक्रमणले देश नै आक्रान्त भइरहेको अवस्थामा घर परिवार भन्दा टाढा रहेका मानिसहरूले दशैंको समयमा भोग्नु परेको यथार्थतामा आधारित “यसपालीको दशैं आमा” बोलको गीतको भिडियो ‘डार्क डे’ युट्युब च्यानल मार्फत सार्वजनिक भएको हो ।
गीतमा सन्तोष कार्कीको शब्द, एरेन्जर जीवन थापाको स्वर सुन्न सकिन्छ । शनिबार सार्वजनिक भएको सो भिडियोमा कलाकार आयुष दाहाल, अनमोल अधिकारी, भावना नेपाल भट्टराई, सामना भट्टराई, भूमिका राई र कुशल विश्वकर्मा फिचर्ड छन् ।
सो भिडियो बसन्त बस्नेतले निर्देशन गरेका हुन् भने यम्के खत्री र विशाल श्रेष्ठले छायांकन गरेका हुन् । भिडियो विशाल श्रेष्ठले एडिट गरेका हुन् भने सुजन दाहालले व्यवस्थापन गरेका हुन् ।
सो भिडियो ‘एमके फोटोग्राफी इटहरी’द्वारा प्रस्तुत गरिएको हो ।
हेर्नुहोस भिडियोः
