काठमाण्डौ । जग्गा किर्ते गरेर ठगी गरेको आरोपमा केवलप्रताप जङ्गबहादुर राणा पक्राउ परेका छन् ।
करिब ५० करोड रुपैयाँ बराबरको पर्साको वीरगञ्ज महानगरपालिकामा कमलादेवी राजभण्डारीको नाममा रहेको पाँच कठ्ठा, पन्ध्र धुर, नौ कन्वा किर्ते कागजात बनाइ आफ्नो नाममा गरी अर्कै व्यक्तिलाई बेच्नका लागि ५० लाख रूपैयाँ बैनासमेत लिइसकेका राणालाई काठमाण्डौको रातोपुलबाट पक्राउ गरिएको केन्द्रीय अनुसन्धान ब्युरोले जनाएको छ ।
ब्युरोका अनुसार उनले ३, ७१, १४३, १८६ कित्ता नम्बरको जग्गा र ठगी गर्न नागरिकताको प्रमाणपत्रमा समेत किर्ते गरेको प्रहरी उपरीक्षक वेलबहादुर पाण्डेले बताए । राणा ललितपुर महानगरपालिका १३ कुसुन्तीका बासिन्दा रहेका छन् ।
