मौसम पूर्वानुमान महाशाखाकाे आजको मौसम पूर्वानुमान

हाल प्रदेश न. १ मा पूर्णतया बदली रहेको र बाँकी प्रदेशमा सामान्य बदली रहेको महाशाखाले जनाएको छ । यसैगरी, आइतबार दिउँसो प्रदेश नं १, प्रदेश नं २, बागमती प्रदेश र गण्डकी प्रदेश मा सामान्य बदली रही केही स्थान तथा प्रदेश नं ५, कर्णाली प्रदेश र सुदुरपश्चिम प्रदेशमा आंशिक बदली रही एक दुई स्थानमा मेघगर्जन सहित सामान्य देखि मध्यम वर्षाको सम्भावना रहेको छ ।

यस्तै, प्रदेश नं १ का एक/ दुई स्थानमा भारी वर्षाको  सम्भावना रहेको छ। राति प्रदेश नं १, बागमती प्रदेश, गण्डकी प्रदेश मा सामान्य बदली रही थोरै स्थानहरू तथा बाँकी प्रदेशहरुमा आंशिक बदली रही एक/दुई स्थानहरुमा सामान्य वर्षाको सम्भावना रहेको छ ।