रामधुनी । संचारकर्मी शिशिर भट्टराईको संयोजकत्वमा प्रेस संगठन नेपालको रामधुनी नगर कमिटी गठन् भएको छ । प्रेस संगठन् सुनसरी जिल्ला कमिटीले झुम्कामा एक कार्यक्रम गरि बिहीबार रामधुनी नगर कमिटीको टुंगो लगाएको हो ।
भट्टराईको संयोजकत्वमा रामधुनीमा ७ सदस्यीय कमिटी निर्माण भएको संगठनका सुनसरी जिल्ला सह–संयोजक शेखर ढकालले जानकारी दिए । जसमा मान्यता शाह सह–संयोजक चएन भएकी छिन् । त्यस्तै सदस्यहरुमा तुलसी खड्का, प्रकृति रौनियार, अमन ढुंगेल, अञ्जना चौधरी र सुरज सदा रहेका छन् ।
संगठनका जिल्ला संयोजक श्रीशिसा राइको अध्यक्षतामा भएको कार्यक्रममा प्रेस संगठन नेपाल १ नम्बर प्रदेश संयोजक राजन केडी, संगठनका सुनसरी सह–संयोजक शेखर ढकालको उपस्थिति रहेको थियो ।
त्यस्तै, नेपाल कम्युनिष्ट पार्टी (नेकपा) का नेताहरु योग्यराज खड्का, नन्दकुमार बस्नेत, श्यामनारायण राजधामी, राम कोइराला लगाएतको उपस्थिति रहेको थियो ।
संगठन विस्तारपछि सामाजिक संजालमार्फत संयोजक भट्टराइले संयोजकको जिम्मेवारी दिनुभएकोमा माथिल्लो कमिटीका आदरणीय ब्यक्तित्वहरुलाई धन्यवाद दिएका छन् ।
उनले सामाजिक संजालमा राखेको स्टाटर जस्ताको तस्तैः
राज्य एकात्मकबाट संघात्मक प्रणालीमा गइसकेपछि स्थानीय तहमा बिभिन्न संगठन् बिस्तारको काम हुनु स्वभाविक हो । त्यहि क्रममा ‘प्रेस संगठन् नेपाल रामधुनी नगर कमिटी’ निर्माण भएको छ । त्यसमा मलाई संयोजकको जिम्मेवारी दिनुभएकोमा संगठनको माथिल्लो कमिटीका आदरणीय ब्यक्तित्वहरुलाई धन्यवाद भन्न चाहन्छु । हाम्रो ‘रामधुनी नगर कमिटी’मा ७ जना संचारकर्मी साथीहरु आबद्ध हुनुभएको छ । यो बिरुवा रोप्ने काम भयो, यसलाई गोडमेल गर्दै अन्य साथीहरुलाई पनि आवद्ध गराउँदै लैजाने काम बाँकी छन् । अहिले आवद्ध हुनुभएका सबैलाई सफलताको शुभकामना छ । सम्पुर्ण साथीहरुले एक संचारकर्मीको धर्म सम्झिएर आगामी दिनमा थप जिम्मेवारीका साथ अझै जनपक्षिय भएर काम गर्नुहुनेछ भन्ने अपेक्षा गरेको छु ।
