अनिता बैजु नेपालकी नयाँ पुस्ताका लागि चर्चित डान्सर तथा कलाकार हुन् । देशमै बसेर अनिताले धेरैलाई आफुमा लुकेर रहेको कला प्रस्तुत गरेर मनोरञ्जन दिलाएकी छिन् । सँधै अरुलाई मनोरञ्जन दिलाउने पेशा अंगालेकी बैजुको जन्म बुवा प्रेम बहादुर बैजु र बिमला बैजुकको को कोखबाट २०५२ साल भाद्र २८ गते भएको हो । उनै कलाकार बैजुसँग फलैचान्यूजले गरेको कुराकानी ।
तपाईंको कलाकारीताको यात्रा कसरी र कहाँबाट सुरु भयो ?
म सानो छँदा रेडियोमा गित सुन्ने नाच्ने गर्थे त्यतिवेलादेखिनै मलाई नाच्ने र क्यारिकेचर गर्ने रुचि जागेको थियो र नाच्न र क्यारिकेचर गर्न थाले यसरीनै भयो मेरो कलाकारीताको यात्र सुरु ।
आज–भोलि के मा व्यस्त हुनुहुन्छ ?
आज–भोलि म नेपाल टेलिभिजनबाट प्रशाारण हुने गोलमाल र हालत खराब भन्ने हास्य टेलि सिरियलमा ब्यस्त छु ।
कलाकारीताको क्षेत्रमा लागेकोमा कतिको सन्तुष्ट हुनुहुन्छ ?
एकदम सन्तुष्ट छु । बच्चै देखिको मेरो रहर थियो त्यो भखर पुरा हुँदैछ । तर कहिलेकाँही चित्त दुख्दो रहेछ । कला हुँदा हुँदै पनि नेपालमा अवशर अलि कम आउँछ तेतिबेला अलि अलि दुःख लागेर आउँछ । समग्रमा भन्ने हो भने सन्तुष्ट नै छु ।
कस्तो खालको कला सबैभन्दा बढी प्रस्तुत गर्नु हुन्छ ?
म एउटा कलाकार मात्र नभएर, एउटा डान्सरपनि हुँ । डान्सपनि गर्ने गर्छु । जुन धेरै कमले मात्र गर्ने गर्छन् । विषेश गरेर म लभ स्टोरीमा अभिनय गर्ने गरेको छु । सबै भन्दा बढी यो नै गछू भन्ने छैन ।
तपाँईलाई दर्शकले के भनेर चिन्नु हुन्छ नी ?
मलाई दर्शकले डान्स नै भनेर अलि बढी चिन्नु हुन्छ । डान्स गर्ने पनि कलाकारनै हो । हास्य टेलि सिरियलमा म भख्खरै आएको हुँ ।
आगामी दिनमा कलाकारीतालाई कसरी अगाडि बढाउने सोचमा हुनुहुन्छ ?
नेपालमा धेरै कलाकारहरु हुनुहुन्छ । उहाँहरुसँग म पनि भख्खरै प्रवेश गर्दै छु । मैले कलाकारीतालाई अघि बढाउनु मेरो दायित्व हो । त्यहि भएर अब म धेरै नेपाली कलाकारीतामा समय दिने सोचमा छु । म भित्र धेरै कमिकमजोरीहरु छन् जुन कमिकमजोरीलाई बहिर फाल्दै कलाकारीताको क्षेत्रमा निखारपन ल्याउनु छ ।
खासमा तपाईंले क्यारिकेचर कसरी सिक्नु भयो ?
पहिले देखिनै सडक नाटक लिएर हिड्ने गरेको थिएँ । क्यारिकेचरनै भनेर चाँहि मैले कुनै क्लास लिएको छैन ।
तपाईको कलाकारीताको यात्रालाई तारिफ गर्ने र गाली गर्नेहरुका लागी के भन्नुहुन्छ ?
तारिफ गर्नेहरु धेरै जना अगाडीबाट वा–वा भन्छन् तर पछाडीबाट कुरा काटिरहन्छन् । मनबाटै तारिफ गर्नेहरु कमै हुन्छन् । जसले मलाई गाली गर्छन नी त्यो वेला चाँही अझै राम्रो गर्नुपर्ने रहेछ भन्ने लाग्छ । तारिफ र गालि दुबै मन पर्छ किन भने तारिफ मात्र सुनियो भने अगाडी बढ्न सकिदैन तर गालि पनि सुनियो भने मलाई हिम्मत बढ्छ । र अझै कलाकारीताको क्षेत्रमा अगाडि बढ्न मद्दत पुग्छ । त्यसैले म तारिफ र गालि गर्ने दुबैलाई धन्यवाद भन्न चाहान्छु ।
अनि तपाँईको पढाई चाहिं कहाँसम्म पुग्यो ?
मैले स्कुल पढ्दा पढ्दै बिचमा छाड्नु पर्याे म सानो छँदा मेरो बुवा खस्नुभयो घरको ठुलो मान्छे खसेपछि आमाले दुःख सुःख घरपरिवार चलाउनु भयो घरको आर्थिक अवस्था निकै कमजोर भएका कारण आमाले मलाई पढाउन सक्नु भएन । कला क्षेत्रमा संघर्ष गर्ने शिलशिलामा मैले विद्यालयमा गएर पढे भन्दा धेरै शिक्षा आर्जन गरेको छु । खासमा म पढेर आएको हैन परेर आएको मान्छे हुँ । अरुले बोलेको अंग्रेजी बुझ्न सक्छु र फर्काउन सक्छु ।
बिबाह गर्नुभयो ?
मेरो बिवाह भएको छैन । बिवाह भन्दा पनि मेरो बुवा त हुनुहुन्न तर आमाको सपना पुरा गर्नु छ । त्यसैले अहिले विवाह गर्ने सोचमा छैन । बिवाह भन्दा पनि कर्म नै ठुलो ठान्छु म त्यसैले अहिले मेरो र बाबा आमाको सपना पुरा गर्छु बिवाह त बिस्तारै गर्दा भईहाल्छ नि ।
विदेशका कार्यक्रमहरुमा कत्तिको अफर आउने गर्छ ?
विदेशबाट धेरै अफर आउँछ । पहिला अफर आउँदा म सँग राहदानी थिएन र जान पाईन । यसपली मलाई अमेरिकाबाट र दुवई बाट अफर आएको छ ।
लकडाउनमा कसरी वित्यो तपाईका दिनहरु के के गर्नुभयो ?
लकडाउनमा सुटिङ्गको काम नभएकाले धेरै लामो सयम पछि घर परिवार र साथिहरुलाई समय दिन पाएँ अनि बुनाईका कामहरु सिक्ने मौका पाएँ यसरी नै बित्यो मेरा लकडाउनमा मेरा दिनहरु ।
लकडाउनले कस्तो पाठ सिकायो तपाइलाई ?
लकडाउले नयाँ नयाँ सिप सिकायो, त्यो भन्दा पनि महत्पुर्ण कुरा हाम्रो स्वास्थ्य भन्दा ठुलो केहि छैन । यो समयमा घरमै बसेर केहि गर्नु पर्ने रहेछ भन्ने पाठ सिकायो ।
अन्त्यमा, तपाईंका दर्शकलाई के भन्न चाहानुहुन्छ ?
मेरा सम्पुर्ण दर्शकलाई म के भन्न चाहान्छु भने तपाईंहरुको मायाले नै म यो स्थानसम्म आइपुगेको छु । अझै साथ सहायोगको आसा गर्दछु । मेरालागि माया, अवार्ड, परिवार जे भनेपनि तपाईं दर्शक नै हो । अनि आफ्ना कुराहरु राख्ने अवसर दिनु भएकोमा फलैचान्युज डट कम अनलाईन परिवारलाई पनि हृदयदेखि नै धन्यबाद दिन चाहान्छु ।
