सुनसरीमा थपिए ५६ जना संक्रमित

रामधुनी । सुनसरीमा पछिल्लो २४ घण्टामा ५६ जनामा कोरोना संक्रमण पुष्टि भएको छ ।

यो संख्या अहिले सम्मकै धेरै हो । सोमबार साँझ कोरोना पोजेटिभ रिपोर्ट आएसँगै सुनसरी जिल्लामा ५६ जनामा कोरोना सङ्क्रमण पुष्टि भएको स्वास्थ्य कार्यालय सुनसरीले जनाएको छ ।

सोमबार कोरोना संक्रमण हुनेहरुमा १० जना महिला ४४ जना पुरुष रहेका छन् ।  त्यस्तै मंगलबार बिहान धरानमा १ जना महिला र १ जना पुरुष थपिएसँगै सुनसरीमा पछिल्लो २४ घण्टामा कोरोना संक्रमण पुष्टि हुनेहरुको संख्या ५६ जना पुगेको स्वास्थ्य कार्यालय सुनसरीले जनाएको छ ।

स्वास्थ्य कार्यालयका अनुसार इनरुवामा २६ जना, इटहरीमा २१ जना, दुहबीमा ७ जना र धरानमा २जना रहेका छन् ।

सुनसरीमा अहिले सम्म कोरोना सङ्क्रमितको कुल सङ्ख्या ७ सय ६२ जना पुगेको छ । त्यस्तै सुनसरीमा ३ सय ५० जना निको भएका छन् । ४ सय ७ जना उपचार गराईरहेका छन् । भने ५ जनाको कोरोना सङ्क्रमणबाट मृत्यु भएको स्वास्थ्य कार्यालय सुनसरीले जनाएको छ ।

By फलैचा न्यूज

फलैचा न्युज डटकम सुनसरीकाे रामधुनी नगरपालिका बाट संचालित अनलाइन पत्रिका हाे ।

Leave a Reply

Your email address will not be published. Required fields are marked *

Related Posts

No widgets found. Go to Widget page and add the widget in Offcanvas Sidebar Widget Area.