बराहक्षेत्र । प्रदेश नम्बर एक स्थित सुनसरीको बराहक्षेत्रमा अहिले सम्मकै ठूलो धनराशी पुरस्कार भएको ‘सदाबहार राष्ट्रिय टिकटक स्टार प्रतियोगिता २०७७, हुने भएको छ।
बिहीबार पत्रकार सम्मेलन गर्दै आयोजक सदाबहार मिडिया प्रालिले नेपालमै पहिलो पटक ठूलो धनराशी पुरस्कार भएको राष्ट्रिय स्तरिय टिकटक प्रतियोगिता हुन गइरहेकोे जानकारी दिएको छ ।
प्रतियोगिता आगामी भाद्र १३ गतेदेखी कार्तिक २८ गतेसम्म संचालन हुने प्रालीका अध्यक्ष भवानी धिमालले जानकारी दिए ।
प्रतियोगिताको पहिलो चरण अन्तर्गत भाद्र १३ गतेदेखी २८ गतेसम्म आबेदनको रुपमा सहभागीले सदाबहार मिडियाको अफिसियल पेजमा आफ्नो टिकटक भिडियो लिंक पठाउनु पर्ने छ ।
भिडियो पठाउने मध्ये बाट भ्युजको आधारमा पहिलो चरणमा उत्कृष्ट १ सय जना सहभागीलाई दोस्रो चरणमा प्रवेश गराइने कार्यक्रम संयोजक देब भट्टराईले जानकारी दिए ।
पहिलो चरणमा छनौटभएका सहभागिहरु मध्येबाट असोज १९ गते दोस्रो चरणमा उत्कृष्ट २० जनाको भिडियोमा आएको भ्युजको आधारमा छनोट गरिनेछ। क्रमशः ५ औं चरणसम्म भोटिङको आधारमा उत्कृष्ट १५, १०,५, ३ र फाइनल क्रमशः असोज २७, कार्तिक ६, कार्तिक १४, कार्तिक २१ र कार्तिक २८ गते बिजेता घोषणा गरिने बिज्ञप्तीमा उल्लेख गरिएको छ।
सहभागीले अर्को चरणमा प्रवेश गरेपछि प्रत्येक नयाँ चरणमा नयाँ भिडियो पठाउनुपर्ने र भिडियो बनाउँदा कुनै जात, धर्म, पेशा, समुदाय र राष्ट्रियतामा आच आउने खालको भिडियो भएमा मान्य नहुने व्यवस्थापक रमेश यादबले जानकारी दिए।
सहभागी प्रतियोगीले आवेदन शुल्क तिरेको रसिद, नाम, ठेगना, सम्पर्क नम्बर सदाबहारको फेसबुक पेजमा इन्बक्स गर्नुपर्ने, छ । भिडियो बनाउँदा १५ सेकेन्ड भन्दा माथीको नेपाली भाषामा हुनुपर्ने छ । सहभागीले आफ्नै अभिनयमा भिडियो बनाएर पठाउनुपर्ने, सहभागीले सर्त पालना नगरे भिडियो रद्द गरिने र आवेदन शुल्क फिर्ता नहुने लगाएतका नियमहरु राखेको प्रतियोगिताका प्रबक्ता किरण चौलागाईंले बताए।
नेपालमा अहिले सम्मकै ठूलो धनराशी पुरस्कार भनिएको सो प्रतियोगितामा प्रथम हुनेले स–प्रमाणपत्र नगद रु १ लाख ५० हजार, द्वितीय र तृतीय हुनेले क्रमशः नगद रु १ लाख र ५० हजार साथमा प्रमाणपत्र प्राप्त गर्नुका साथै नेपाल लाइफ इन्स्योरेन्स कम्पनी लिमिटेडको तर्फबाट ५ लाख बराबरको जिवन विमा गरिदिने सदाबहार राष्ट्रिय टिकटक प्रतियोगिताका प्रवक्ता किरण चौलागाँईले जानकारी दिए ।
नेपालीहरुको महान चाड विजया दशमी, तिहार र छैठ पर्व यस वर्ष कोरोनाका कारण गतवर्षको जस्तो मनाउने अवस्था नभएका कारण चाडपर्व लाई प्रोत्साहन तथा मेला जात्रालाई निरुत्साहन गर्ने अभिप्रायले अनलाईन माध्यमबाट राष्ट्रिय स्तरको टिकटक स्टार प्रतियोगिता गर्न लागिएको चौलागाँईले बताए ।
यसअघि बराहक्षेत्रलाई मात्र लक्षित गर्दै प्रथम बराहक्षेत्र टिकटक प्रतियोगिता गरिसकेको सदाबहार मिडिया प्रालिले यसपटक ञभिडभाड रहित दशै मनाऔ, सामाजिक दुरी कायम गर्दै टिकटकमा रमाऔझ भन्ने नाराका साथ राष्ट्रव्यापी रुपमा संचालित भएको हुदा नेपालमा स्थायी बसोबास गरि हाल बिश्वका जुनसुकै ठाउमा भएकाले पनि सहभागी हुन पाउने सदाबहार मिडिया प्रालिका अध्यक्ष धिमालले बताए।
उनले भने, हामीले बुझेका छौ कि यो कठिन परिस्थिति छ। त्यसैले हामीले यसको सदुपयोग र लुकेर रहेको कलाहरुलाई स्थान दिएका हौ।
प्रतियोगितामा भाग लिन सहभागीले रु १०० प्रवेश शुल्क स्वरुप आयोजकले तोकेको खल्ती एप, आई.एम.इ पे मार्फत बुझाउनुपर्ने छ ।
