मोरङ । जिल्ला प्रशासन कार्यालय मोरङले मोरङ जिल्ला भरी नै केही खुल्ला गर्दै निषेधाज्ञा एक साता थप गरेको छ । जिल्ला सुरक्षा समितिको बैठकले गएको भदौ ५ गतेदेखि जारी गरिएको निषेधाज्ञालाई केही खुकुलो बनाएर एक साता थप्ने निर्णय गरेको हो ।
निषेधाज्ञामा बजारलाई १२ बजेसम्म खुल्ला गर्न दिने निर्णय भएको छ । त्यसपछि सबै बजार र पसल बन्द हुनेछ । बिहानको अबधिमा पनि तरकारी बजार, होटल, सैलुन, ब्युटिपार्लर जस्ता व्यवसाय भने सञ्चालन गर्न नपाइने मोरङका प्रमुख जिल्ला अधिकारी कोषहरि निरौलाले जानकारी दिए ।
मोरङमा स्थानीय तहले पनि थप एक साता लकडाउन गर्ने निर्णय गरेका छन् । मोरङको रतुवामाई, सुनवर्षी, रंगेली नगरपालिका, धनपालथान, कटहरी र जहदा गाउँपालिकामा एक साता लकडाउन गप गर्ने निर्णय भएको हो । बैठकले यसअघि जारी गरेको भाद्र १० गतेसम्मको लकडाउन अब १७ गते सम्म रहने छ ।
