सुनसरी । सर्लाहीको गम्हरीयामा पाँच दिनदेखि हराईरहेको बालकको शव छिमेकीको घरको सेफ्टि ट्यांकीमा फेलापरेको छ ।
मलंगवा १२ स्थित गम्हरियाबाट हराएका जितेन्द्र ठाकुरका १० वर्षका छोरा आकाश ठाकुरको शव आज बिहान छिमेकी जगदीश ठाकुरको सेफ्टि ट्यांकीमा भेटिएको हो ।
आइतबार न्वारनको भोज खान गएका बालक घर नफर्किएपछि पीडित परिवारले प्रहरीमा खबर गरेका थिए । प्रहरीले अनुसन्धानका क्रममा शंकाका आधारमा जितेन्द्र ठाकुरका छिमेकी जगदीश ठाकुर लाई प्रकाउ गरेको थियो ।
बयानलिने क्रममा जगदीशले बालकको हत्या गरेको स्वीकार गरेको जिल्ला प्रहरी कार्यालय सर्लाहीले बताएको छ । प्रहरीले बालकको शव बरामद गरेर प्रादेशिक अस्पताल मलंगवा पठाएको छ ।घटनाका दोषी प्रकाउ गरिसकोको र घटना बारे थप अनुसन्धान भइरहेको जिल्ला प्रहरी कार्यालय सर्लाहीले जानकारी दिएको छ ।
