इटहरी । इलाका प्रहरी कार्यालय इटहरीले इटहरी क्षेत्रमा क्यारमबोर्ड खेल्न प्रतिवन्ध लगाएको छ । प्रहरीले क्यारमबोर्डबाट जुवाजन्य खेल खेलाएको भेटाएपछि इटहरी क्षेत्रमा क्यारेमबोर्डलाई प्रतिवन्ध लगाएको हो ।
युवा पुस्ता देखि बालबालिका सम्मलाइ बिगारेको अभिभावकहरूको गुनासो बढेपछि क्यारमबोर्डहरू नियन्त्रणमा लिन थालेको इलाका प्रहरी कार्यालय इटहरीले जनाएको छ । रातिको १० बजे सम्म बोर्ड राखेर युवा पुस्तामा जुवा खेलाएको र झै झगडा निम्त्याएको मौखिक उजुरी पश्चात यो खेललाइ प्रतिवन्ध लगाइएको इलाका प्रहरी कार्यालय इटहरीले जनाएको छ ।
आइतबार रातीदेखि सोमबार दिउसो ४ बजे सम्ममा इटहरीको बिभिन्न क्षेत्रबाट ७ वटा क्यारबोर्ट जफत गरिएको प्रहरीले जनाएको छ । पटक पटक चेतावनि दिदा पनि व्यवसायिहरूले अटेर गरेपछि प्रहरीले एक्सन लिएको इलाका प्रहरी कार्यालय इटहरीका प्रहरी नायव उपरिक्षक खगेन्द्र खडकाले बताए ।
पसल अगाडी क्यारम बोर्ड राखेर रू ५० हजार सम्म बाजि थाप्ने जस्ता खेल खेलाउदै रातको समयमा होहल्ला तथा झगडा गर्ने गरेको गुनासो पश्चात इटहरी प्रहरीले त्यस्ता खेललाइ प्रतिवन्ध लगाउने बोर्ड नियन्त्रमा लिन थालेको जनाएको छ ।
