रामधुनी । सुनसरीको हरिनगर गाउँपालिकामा संचालित तीन दिने प्रदेश स्तरिय एथलेटिक्स खेलकुद प्रतियोगिता सम्पन्न भएको छ । सोमबार एक कार्यक्रमका विच प्रदेश १ सरकारका आन्तरिक मामिला तथा कानूनमन्त्री केदार कार्कीको प्रमुख आथित्यतामा प्रतियोगिताको समापन गरिएको हो ।
समापन समाहरोहमा बोल्दै कानूनमन्त्री कार्कीले खेलाडिको काँधमा देशको गौरवको विषय जोडिएको बताए । अहिलेको परिपेक्षमा विवेकको शिक्षाको आवस्यक्ता रहेको बताउँदै उनले विद्यालयमा नविन शिक्षा हुनुपर्नेमा जोड दिएका थिए ।
प्रदेश १ का विभिन्न विद्यालयका छात्रछात्राले सहभागिता जनाएको प्रतियोगितामा मन्त्री कार्कीले शिक्षाले सास्कृतिक भौतिक विकासको आदानप्रदान भएको बताए । प्रतियोगिताले हरिनगरका सामग्रीको प्रचारप्रसार भएको बताए ।
‘खेलकुदले यो क्षेत्रको इकोनमी मोविलिटि बढ्यो, यो ठाँउको हिमाली जिल्लासम्म प्रचारप्रसार भयो, उनले भने ।’ सुनसरीको दक्षीणी भेगमा रहेको सो क्षेत्र पिछडिएको क्षेत्र रहेको उल्लेख गर्दै सो ठाउँलाइ विकसित क्षेत्रको रुपमा चिनाइने बताए ।
गाउँपालिका अध्यक्ष गफार अन्सारीले प्रत्येक बर्ष प्रतियोगिता आयोजना गरेको बताए । आफू स्थानीय तहको निर्वाचनमा विजयी भएदेखी नै सबै क्षेत्रमा विकासको अभियान चलाएको बताए ।
भौतिक काममा पनि प्रदेश मै सबैभन्दा धरै काम गरेको उहाँको दावी छ । धेरै विद्यालय नयाँ बन्दै गएको उल्लेख गर्दै उहाँले विधुतिय प्रणालीबाट पढाइको काम सुरु गरेको बताए ।
कार्यक्रमका वक्ताले हरिनगराका प्रत्येक वडामा खेल मैदान हुनुपर्ने, विद्यार्थिलाइ खेल सामग्रीको उपलब्धता हुनुपर्ने बताएका छन् । कार्यक्रममा जनप्रतिनिधि, विभिन्न पार्टीका प्रतिनिधि, विभिन्न संस्थाका सरोकारवाला निकायका प्रतिनिधिको सहभागिता रहेको थियो ।
