इनरुवा । सुनसरीको हरिनगरबाट बालक अहपरण गरेर लैजादै गरेका एक व्यक्तिलाई प्रहरीले पक्राउ गरेको छ ।
पक्राउ पर्नेमा इनरुवा १० जल्पापुरका ईम्तियाज भन्ने ईन्जात मियाँ रहेका छन् । शनिबार हरिनगर ६ इसराइल कामतबाट शिवचरण मेहताको १३ बर्षीय छोरा धिरजकुमार मेहतालाई अपहरण गरि लैजादै गर्दा उनलाई पक्राउ गरिएको जिल्ला प्रहरी कर्यालय सुनसरी जनाएको छ ।
अज्ञात व्यक्तिले मोटरसाइकलमा बालकलाई जर्बजस्ती चढाएर अपहरण गरेको भन्ने सुचना पाउन साथ प्रहरी चौकी भुटाहाको टोली परिचालन भएको थियो । प्रहरीले हरिनगर १ भुटाहाको भित्री सडक खण्डमा भारतीय नम्बरको मोटरसाइकलमा बालकलाई चढाउन खोज्दै गरेको अवस्थामा अपहरणकारीलाई नियन्त्रणमा लिएको जनाएको छ । उनलाई तत्काल उद्दार गरेर सोधपुछ गर्दा ईन्जातले को २६ प ४२२४ नम्बरको मोटरसाइकलमा जर्बजस्ती चढाएर लगेको बालकले वयान दिएका थिए ।
पक्राउ परेका मियाविरुद्ध मुलुकी फौजदारी अपराध संहिता २०७४ को परिच्छेद १७ अनुसार अपहरण तथा शरीर बन्धक सम्बन्धी कसुरमा कारबाही प्रक्रिया अघि बढाइएको जिल्ला प्रहरी कार्यालय सुनसरीले जनाएको छ । उनलाई आइतबार जिल्ला अदालतबाट ५ दिनको म्याद थप भएको र अनुसन्धान प्रक्रिया अघि बढाइएको प्रहरीले जनाएको छ ।
