इटहरी । किसान कल्याण बचत तथा ऋण सहकारी संस्था लिमिटेडले लागूपदार्थ दुर्ब्यसन विरुद्ध सचेतनामूलक कार्यक्रम सम्पन्न गरेको छ। शुक्रबार संस्थाको साकोस युवा क्लव बराहक्षेत्र–७ बाङ्गेको आयोजनामा सम्पन्न भएको हो।
समाजमा दिनप्रतिदिन बढ्दो लागूपदार्थको दुरुपयोगका कारण हुने सामाजिक र पारिवारिक क्षतिलाई मध्यनजर गर्दै दुई विद्यालयका ३०० जना भन्दा बढी विद्यार्थीहरूलाई लक्षित गरी सचेतनामूलक कार्यक्रम गरिएको साकोसका प्रमुख कार्यकारी अधिकृत पुस्कर बस्नेतले जानकारी दिए ।
कार्यक्रम संस्थाका अध्यक्ष शालिकराम ढकालको अध्यक्षता र बराहक्षेत्र–७ का वडा अध्यक्ष कपिल आचार्यको प्रमुख आतिथ्यतामा सम्पन्न भएको थियो। कार्यक्रममा इलाका प्रहरी कार्यालय महेन्द्रनगर, रक्षा फाउन्डेसन सुधार केन्द्र रामधुनी–३, फेलोसिप फाउन्डेसन इटहरी–५, र कुण्ड पुनर्जीवन केन्द्र इटहरी–२० लगायतका संस्थाहरूले सहजीकरण गरेका थिए।
हाल साकोसमा २४ हजार ६०३ जना सदस्य रहेका छन् भने १ अर्ब ४७ करोड रुपैयाँ बराबरको कुल सम्पत्ति र ८ वटा सेवा केन्द्रहरू सञ्चालनमा रहेको बस्नेतले जानकारी दिए।
