इटहरी l सुनसरीमा रहेको किसान कल्याण साकोसमा सम्भाव्य उद्यमी छनोट तथा प्रशिक्षण गोष्ठी सम्पन्न भएको छ। संस्थाको आयोजना र नेफ्स्कुनको प्राविधिक सहयोगमा सञ्चालित गोष्ठीमा २७ जनाको सहभागिता रहेको थियो। संस्थाका उपाध्यक्ष श्री नरेन्द्रकुमार श्रेष्ठको अध्यक्षतामा सम्पन्न गोष्ठीमा नेफ्स्कुनकी कार्यक्रम अधिकृत राधा पौडेलले सहजीकरण गर्नुभएको थियो।
युवा सेयर सदस्यहरुलाई उद्यम सञ्चालनको प्राविधिक विषयमा प्रशिक्षणात्मक कार्यशालाको आयोजना गरिएको थियो। संस्थाले दिएको तालिम निकै उपलब्धीमूलक भएको र उद्यम सञ्चालनमा हौसला मिलेको गोष्ठीमा सहभागी सदस्य लोकराज कार्कीले बताउनु भयो।
किसान कल्याण साकोसले व्यवसाय विकास सेवा सञ्चालन गरी सदस्यहरुलाई उद्यमी बनाउने उद्देश्यका साथ विभिन्न तालिम तथा कार्यक्रमहरू सञ्चालन गर्दै आइरहेको संस्थाका अध्यक्ष शालिकराम ढकालले बताउनु भयो।
