ईटहरी। नवनियुक्त अर्थमन्त्री रामेश्वर खनालले निजी क्षेत्रको मनोबल कम हुन नदिने प्रतिबद्धता जनाएका छन्। सोमबार पदभार ग्रहण गर्दै उनले निजी क्षेत्रलाई उकास्ने दिशामा अर्थमन्त्रालय अघि बढ्ने बताएका हुन।
“निजी क्षेत्रसँग निरन्तर अन्तर्क्रिया गरेर काम गर्नेछौं, हिजोको तुलनामा परिवर्तन महसुस हुने वातावरण बनाइन्छ,” अर्थमन्त्री खनालले भने।
राजस्व संकलनमा कमी आउन नदिने स्पष्ट पार्दै उनले व्यक्तिगत स्वार्थका कामका लागि घरमा नआउन पनि सबैसँग आग्रह गरेका छन।
अर्थमन्त्री खनालले आफू सादगीपूर्वक काम गर्ने बताउँदै, राष्ट्रपतिको कार्यक्रममा समेत आफैं गाडी चलाएर गएको उदाहरण प्रस्तुत गरे। चालकबाहेक अरू सुविधा नलिने घोषणा गर्दै उनले पदको प्रतिष्ठाभन्दा कामलाई प्राथमिकता दिने संकेत दिएका छन्।
