काठमाण्डौ । उच्च अदालत पाटनले पत्रकार दिलभूषण पाठकलाई कानूनबमोजिम बाहेक धरपकड नगर्न अल्पकालीन अन्तरिम आदेश दिएको छ । न्यायाधीश ऋषि राजभण्डारीको इजलासले सोमबार पाठकको निषेधाज्ञा निवेदनमाथि सुनुवाइ गर्दै यस्तो आदेश दिएको हो ।
आफूमाथि जारी भएको पक्राउ पुर्जीविरुद्ध पाठकले आइतबार उच्च अदालत पाटनमा रिट निवेदन दिएका थिए । यस्तै अदालतले दुवै पक्षलाई अन्तरिम आदेश जारी गर्ने नगर्ने विषयमा छलफलका लागि आउँदो बिहीवार बोलाएको छ ।
पाठकले काठमाण्डौको हिल्टन होटल र नेपाली कांग्रेसका सभापित शेरबहादुर देउवाका छोरा जयवीर सिंहलाई जोडेर भिडियो सामग्री प्रस्तुत गरेपछि उनि विरुद्ध गत जेठ २८ गते नेपाल प्रहरीको साइबर ब्युरोले काठमाण्डौ जिल्ला अदालतबाट पक्राउ पुर्जी लिएको थियो ।
