इटहरी । भायानेट कम्युनिकेसनले आफ्नो कर्पोरेट सामाजिक उत्तरदायित्व (CSR) कार्यक्रम अन्तर्गत सुनसरीको श्री देवकोटा आधारभूत विद्यालय, इनरुवामा शैक्षिक सामग्री वितरण गरेको छ। कम्युनिकेसनले आफ्नो कर्पोरेट सामाजिक उत्तरदायित्व अन्तर्गतको माध्यमबाट विद्यार्थीहरूलाई शैक्षिक सामग्री कपी, पेन्सिल, शार्पनर, इरेजर, ज्योमेट्री बक्स तथा जाडो मौसमको तयारीका लागि न्यानो कपडा र हुडी वितरण गरिएको हो।
भायानेटको यस पहललाई उच्च मूल्यांकन गर्दै विद्यालयका प्रधानाध्यापकले यो सहयोगले विद्यार्थीहरूको शैक्षिक प्रगति र पठनपाठनमा महत्वपूर्ण योगदान पुर्याउने र जाडो महिनामा स्वास्थ्य सुरक्षामा मद्दत पुर्याउने काम गरेको भन्दै धन्यवाद दिए ।
भायानेट कम्युनिकेसनले देशभरका विभिन्न विद्यालय र संस्थासँग मिलेर सामाजिक कार्यहरू गर्दै आएको छ। यसको उद्देश्य स्थानीय समुदायलाई सहयोग पुर्याउने र शिक्षा तथा प्रविधिका क्षेत्रहरूमा नयाँ अवसरहरूको सृजनामा मद्दत पुर्याउने हो।
यस कार्यक्रमले भायानेटको सामाजिक उत्तरदायित्वको महत्त्व र प्रतिबद्धता पुनः प्रमाणित गर्दछ, जसले समग्रमा शिक्षा र समुदायको भलाइको लागि थप सकारात्मक प्रभाव पार्ने विश्वास लिइएको छ ।
