विराटनगर । नेपाली कांग्रेस कोशी प्रदेश संसदीय दलले विश्वासको मत लिने कि नलिने भन्ने निर्णय गर्ने जिम्मा मुख्यमन्त्री केदार कार्कीलाई नै दिएको छ ।
एमाले र माओवादीले विश्वासको मत फिर्ता लिँदै सरकारबाट बाहिरिएकाले मुख्यमन्त्री कार्कीले वैशाख २५ गतेभित्र विश्वासको मत लिनुपर्ने छ । त्यसैले आज बिहान संसदीय दलको बैठकमा सम्भावित अवस्थाबारे छलफल भएको थियो ।
मुख्यमन्त्रीलाई स्वच्छ अधिकार भएको बताउँदै उनले भने, ‘उहाँले संवैधानिक बाटो रोज्नुहुन्छ भने पनि हामीले सपोर्ट गरेर जानुपर्छ दलको नाताले र उहाँले भोलि २५ गतेभित्र कुनै राजनीतिक बाटो अवलम्बन गर्नुहुन्छ भने पनि हामीले सपोर्ट गर्नुपर्ने हुन्छ ।’
प्रमुख सचेतक तामाङले कांग्रेस नेतृत्वको वर्तमान सरकार जोगाउन उच्चतम प्रयास जारी राख्ने बताए ।
‘२५ गतेसम्म अवधि छ विश्वासको मत लिने भनेर । त्यसकारण कांग्रेसले आफ्नो नेतृत्वको सरकार टिकाउनका लागि उच्चतम प्रयास जारी राख्छ,’ उनले भने, ‘संविधानलाई समाएर जे–जे निर्णय गर्न सक्छौं, त्यो गर्छौं ।’
