विराटनगर । नेपाल प्रहरी श्रीमती संघ कोशी प्रदेशले ६८ औं प्रहरी दिवसको अवसरमा सुनसरी जिल्ला अस्पतालमा उपचाररत बिमारीहरुलाई फलफुल तथा कपडा वितरण गरेको छ ।
नेपाल प्रहरी श्रीमती संघ कोशी प्रदेशकी अध्यक्ष श्रीमती अजिता देवकोटा बास्तोलाको प्रमुख आतिथ्यतामा प्रसुति वार्डमा उपचाररत रहेका सुत्केरी आमा र अस्पतालका अन्य बिरामीहरुलाई फलफुलण तथा नवजात शिशुहरुलाई लत्ताकपडा बितरण गरेको हो ।
कार्यक्रममा सुनसरी जिल्लाका प्रमुख जिल्ला अधिकारी हुमकला पाण्डे, जिल्ला प्रहरी प्रमुख प्रहरी उपरीक्षक बिपिन रेग्मी तथा श्रीमती संघका पदाधिकारीहरु र अस्पतालका कर्मचारीहरु समेत उपस्थित रहेको थियो । सेवा नै धर्म हो भन्ने भावनाका साथ नेपाल प्रहरी श्रीमती संघ कोशी प्रदेशले निरन्तररुपमा यस्ता परोपकारी कार्यक्रमहरु संचालन गर्दै आइरहेको छ ।
