इटहरी । मैथली भाषालाई कोशी प्रदेशको कामकाजी भाषाको रुपमा कार्यावन्यन गर्न दुई दर्जन संघसंस्थाले कोशी प्रदेशका मुख्यमन्त्री उद्धव थापालाई स्मरणपत्र बुझाएका छन् ।
मैथली भाषाको संरक्षण र सम्बर्द्धन गर्दै आएका दुई दर्जन संघसंस्थाले बुधबार मुख्यमन्त्री थापालाई संस्मरणपत्र बुझाएका हुन् ।
प्रदेश भरीका २९ वटा संघ संस्थाका प्रतिनिधिहरुले संयुक्त रुपमा नेपाल मरिक डोम समुदाय विकास मञ्चका अध्यक्ष बालदेव मरिकको हाथबाट मुख्यमन्त्री थापालाई संयुक्त संस्मरणपत्र बुझाइएको हो ।
संयुक्त संस्मरणपत्र बुझाउँदै अभियन्ता राम रिझन यादवले कोशी प्रदेशका तत्कालीन सरकारद्वारा पर्यटन तथा संस्कृति मन्त्री खिनु लड्वा लिम्बुको अध्यक्षतामा ९ सदस्य मैथिली र लिम्बु भाषा मस्यौदा समिति गठन गरी सरकारलाई बुझाएको प्रतिवेदन अनुसार तत्काल व्यवहारिक रुपमा लागु गर्नु पर्ने माग गरे ।
मैथिली भाषालाई कामकाजी भाषाको रुपमा प्रयोग गर्न प्रतिवेदनमा उल्लेखित भएकाले संयुक्त संस्मरणपत्र बुझाउन आएको यादवले जानकारी दिएका छन् ।
कोशी प्रदेशमा नेपाली भाषा पछिको दास्रो सबभन्दा बढी बोलिने भाषा मैथिली भएकाले मैथिलीको पहिचान, अस्तित्वको रक्षा गर्न एक कदम पनि पछाडि नहट्ने उनले बताएका छन् ।
