लौकही । सुनसरीको कोसी गाउँपालिकामा स्वास्थ्यकर्मीहरूको लागि आयोजना गरिएको तीन दिने क्षमता अभिवृद्धि तालिम सम्पन्न भएको छ । विश्वास परियोजनाको आयोजना, कोसी गाउँपालिकाको समन्वय र फैरमेड संस्थाको सहयोगमा सेभ द अर्थ सुनसरीद्वारा सञ्चालित स्वास्थ्यकर्मीहरूको लागि क्षमता अभिवृद्धिका लागि उपेक्षित उष्णप्रदेशीय रोगहरू सम्बन्धी तीन दिने आधारभूत तालिम शुक्रवार सम्पन्न भएको हो ।
उष्णप्रदेशिय रोगहरूको स्क्रिनिङ, पहिचान, उपचार तथा प्रेषण सम्बन्धी क्षमता अभिवृद्धि कार्यक्रम तथा पुनः ताजगी तालिम अन्तर्गत हाल नेपालमा एकीकृत रूपमा उष्णप्रदेशिय रोगको स्क्रीनिंग पहिचान, उपचार रोगको छुट्टा छुट्टै रही आएको छ । यस परियोजनाले नेपालमा पाइने सबै उपेक्षित रोगहरूको एकीकृत पाठ्यक्रम र प्रेषण हरेक तयार पारेर स्वास्थ्यकर्मीहरूको उपेक्षित रोगको पहिचान देखि प्रेषण सम्म गर्न सक्षम बनाउनका लागि आयोजना गरिएको कार्यक्रम उपयोगी साबित भएको बताइएको छ ।
स्वास्थ्यकर्मीहरूको उपेक्षित रोग सम्बन्धी क्षमता अभिवृद्धि, स्थानीय स्वास्थ्य संस्थाबाट उपेक्षित रोग सम्बन्धी स्वास्थ्य सेवा प्रदान गर्न कार्यक्रम फलदायी भएको सहभागीहरूले बताएका छन् । दुई चरणमा आयोजना गरिएको सो तालिममा स्थानीय स्वास्थ्य संस्थाका स्वास्थ्यकर्मीहरू र स्थानीय निकायमा काम गर्ने स्वास्थ्यकर्मीहरूको सहभागिता रहेको थियो ।
प्रशिक्षकहरू डा.रिजवान अन्सारी, जीवन कुमार मण्डल, पुष्प बहादुर भट्टराई, सागर प्रसाईँ, शोभा देवी गुरुङ, मनिष सुवेदी, कृष्ण कुमार चौधरी, प्रस्ताव पौडेल, रामनाथ साह, सन्तोष साहु, रुकसना प्रवीनले प्रशिक्षण दिएका थिए ।
सेभ द अर्थ सुनसरीका अध्यक्ष पुष्प भट्टराईको अध्यक्षता एवं कोसी गाउँपालिका अध्यक्ष ऐयुब अन्सारीको प्रमुख आतिथ्यमा सम्पन्न तालिममा उपाध्यक्ष अनितादेवी यादव, कोसी १ का अध्यक्ष शोभित नारायण यादव, कोसी २ का अध्यक्ष ध्यानी उराँव, निमित्त प्रमुख प्रशासकीय अधिकृत सुरप्रसाद दंगाल, कार्यपालिका सदस्य राजकुमार साह लगायतको उपस्थिति रहेको थियो ।
