इटहरी । हाल बजारमा सुनको मुल्य लगातार बढिरहेको छ । आज पनि सुनको भाउ तोलामा ८ सय रुपैयाले बढेको नेपाल सुनचाँदी महासङ्घले जनाएको छ ।
हिजो तोलामा पाँच सय रुपैयाँले बढेको सुनको भाउ आज फेरि ८ सय रुपैयाँले बढेर १ लाख १३ हजार ५ सय रुपैयाँमा पुगेको नेपाल सुनचाँदी व्यवसायी महासङ्घले जनाएको छ ।
श्रावण ४ गते सुनको भाउ अहिलेसम्मकै उच्च भएको थियो । त्यतिबेला तोलामा सुन १ लाख १३ हजार ६ सय रुपैयाँ पुगेको थियो भने आजको भाउ यो भन्दा मात्र एक सय रुपैयाँले कम भएको हो । सुनको भाउ अझै बढ्न सक्ने अनुमान सुनचाँदी व्यवसायी महासङ्घले जानकारी दिएको छ ।
यस्तै, सुनसँगै आज चाँदीको भाउ पनि बढेको छ । तोलामा २५ रुपैयाँले बढेर चाँदी एक हजार चार सय ९० रुपैयाँमा कारोबार भइरहेको छ ।
