रामधुनी । इटहरीको कस्तुरी कलेजमा विद्यार्थीको आकर्षण र अभिभावको पनि रोजाइ रहँदै आएको छ । विद्यालयले आफ्नो स्थापनाको २५ वर्ष पूरा गर्दा अहिले करिब १ हजार ४ सयभन्दा बढी विद्यार्थी अध्ययनरत रहेका छन् ।
स्थापनकालमा २६ जना विद्यार्थीबाट सुरु विद्यालयमा हाल विद्यार्थीको चाप रहेको कलेजका प्रधानाध्यापक भूपेन्द्र न्यौपानेले बताए । ‘हामीले कक्षा ११ देखि स्नातकोत्तरसम्म एक हजार चार सयभन्दा बढी विद्यार्थीलाई अध्यापन गराइरहेका छौँ,’ उनले भने, ‘खासगरी व्यवस्थापन विषयका लागि कस्तुरी कलेज आम मानिसको रोजाइमा पर्छ ।’
व्यवस्थापनसँगै बिबिए, विज्ञानजस्ता विषय पनि अध्यापन हुँदै आएको प्रधानाध्यापक न्यौपानेले बताए । विद्यार्थीहरूले उत्कृष्ट नतिजा ल्याउनुमा विद्यार्थीसँगै अभिभावक, शिक्षक र संस्थापकहरूको भूमिका पनि उत्तिकै रहेको उनले बताए ।
प्लस टुमा कम्प्युटर साइन्स, व्यवस्थापन र विज्ञान विषयको अध्यापन हुदै आएको छ । ‘सुविधा सम्पन्न भवन, पुस्तकालय, साइन्स ल्याब, कम्प्युटर ल्याब समेत छ, जसकारण विद्यार्थीलाई सहज हुनेछ,’ उनले भने, ‘पहाडी जिल्लाबाट इटहरीमा कोठाभाडामा बसेका होस् वा अरु जिल्ला नै । कोसी प्रदेशका सबैजसो ठाउँबाट यहाँ पढ्न विद्यार्थी आकर्षित छन् ।’
यहाँ पढेका विद्यार्थीहरू निजामतीसँगै बैँकमा जागिरेदेखि प्राध्यापकसमेत भएको उनको दाबी छ ।
उनका अनुसार गरिब, दलित, जेहेन्दार, पिछडिएको वर्ग, दुर्गम क्षेत्र, असहाय लगायतका छात्र छात्राहरूलाई पूर्णदेखि आंशिक छात्रवृत्तिको समेत व्यवस्था गरिएको छ । स्थापनाकालदेखि उत्कृष्ट नतिजा प्राप्त गर्दै आएको कलेजले यसअघि दुईपटक नेपाल प्रथम भइ स्वर्ण पदक समेत प्राप्त गरिसकेको न्यौपानेले बताए । आगमी दिनका समाज र विद्यार्थीहरूको माग अनुसार विषयहरू थप गर्दे जाने लक्ष्य रहेको कलेजले जनाएको छ ।कलेजले २५ बर्ष पार गरेको शुखद अवसरमा १ सय बढि बिद्यार्थीहरुलाई पुर्ण रुपमा छात्रबृति दिने अभियान समेत सुरु गरेको जनाएको छ ।
