इटहरी । ओखलढुंगामा भएको ट्याक्टर दुर्घटना परि एक किशोरीको मृत्यु भएको छ ।
लिखु गाउँपालिका २ दाहालटारमा खेतबाट मकै लोड गरेर गाउँतर्फ जाँदै गरेको ना ६ त ८७४६ नम्बरको ट्याक्टर बिहीबार साँझ मृत्यु भएको हो ।
लिखु गाउँपालिका–२ बस्ने १८ बर्षिया अप्सरा खड्काको मृत्यु भएको प्रहरीले जनाएको छ । दुर्घटनामा गम्भीर घाइते भएकी खड्कालाई रामेछापको साँघुटारस्थित मेडिकलमा सामान्य उपचारपछि मन्थलीतर्फ लाने क्रममा मृत्यु भएको जिल्ला प्रहरी कार्यलय ओखलढुंगाले जनाएको छ ।
दुर्घटनामा ट्याक्टर चालक ३० वर्षीय विनोद नेपाली घाइते भएका छन् । उनलाई थप उपचारका लागि मन्थली अस्पताल रामेछाप पठाइएको जिल्ला प्रहरी कार्यालयका प्रहरी निरीक्षक देवेन्द्र दासले बताए ।
घटनाबारे थप अनुसन्धान भइरहेको प्रहरीले जनाएको छ ।
