इटहरी । नेपाल पुलिस क्लबले मुख्यमन्त्री कप राष्ट्रिय महिला भलिबल प्रतियोगिताको उपाधि जितेको छ ।
इटहरी स्थिीत भएको फाइनल खेलमा अर्को बिभागीय टिम सशस्त्र प्रहरी बलको एपीएफ क्लबलाई ३–० को सोझो सेटले पराजित गर्दै पुलिसले उपाधी हात पारेको हो ।
उक्त खेल बिहिबार साँझ सम्पन्न भएको थियो । विजेतालाई ३ लाख रुपैयाँ रकम प्रदान गरीएको छ भने उपबिजेतालाई १ लाख ५० हजार रुपैयाँ प्रदान गरीएको छ ।
इटहरी रंगशालामा भएको उक्त खेलमा पहिलो सेटमा २५–१९ ले जितेको पुलिसले दोस्रो सेटमा २५–१४ र तेस्रो सेटमा २५–१८ ले आफ्नो हाता पारेको थियो ।
प्रतियोगिताको सर्वोत्कृष्ट खेलाडीका रुपमा नेपाल पुलिस क्लबकी पुनम चन्दलाई घोषित गरी पुरस्कार स्वरुप नगद रु ५५ हजार प्रदान गरीएको छ ।
बेस्ट स्पाइकर एपिएफकी सरस्वती चौधरी, बेस्ट ब्लकर बागमती प्रदेशकी सुमित्रा रेग्मी, बेस्ट सर्भर पुलिसकी उषा भण्डारी, बेस्ट सेटर पुलिसकी कामना पुन र बेस्ट लिबेरो पुलिसकी शान्ति तामाङ भएका छन् ।
प्रतियोगिताका उत्कृष्ट प्रशिक्षक पुलिस क्लबका रुपेश विष्ट लाई घोषित गरीको छ । उनीहरूले जनही १५ हजारका दरले नगद प्राप्त गरेका छन् ।
प्रतियोगिताका विजेता तथा उपविजेतालाई कोसी प्रदेशका पूर्वमुख्यमन्त्री राजेन्द्र राई, प्रदेश खेलकुद विकास बोर्डका सदस्य सचिव हंशराज वाग्ले, कार्यक्रमकी अध्यक्ष तथा बोर्डकी उपाध्यक्ष जीनाजंग कार्की, नेपाल भलिबल संघका उपाध्यक्ष मदन खड्का लगायतले पुरस्कृत गरेका छन् ।
यस प्रतियोगितामा तीन बिभागीयसहित ६ टिमको सहभागिता रहेको थियो । यो खेल प्रदेश खेलकुद विकास बोर्ड, कोसी प्रदेशको आयोजना तथा जिल्ला भलिबल संघ सुनसरीको संयोजनमा भएको थियो ।
