विभिन्न फरार मुद्दामा संलग्न ५ जनालाई प्रहरीले पक्राउ गरेको छ ।
कोशी प्रदेश प्रहरी कार्यालय बिराटनगरबाट खटिएको प्रहरी टोलीले छुट्टा छुट्टै मुद्दाका पाँच जना फरार प्रतिबादीहरुलाई पक्राउ गरेको छ ।
वन पैदावर मुद्दामा सम्मानित सुनसरी जिल्ला अदालतको मिति २०७८–०५–१६ गतेको फैसला अनुसार जनही २ महिना १० दिन कैद बेरुजु रही फरार रहेका धरान उप–महानगरपालिका–१९ बस्ने ४० बर्षीय मिलन राई र ५० बर्षीय भिम प्रताप तामाङलाई ज्यान मार्ने उद्योग मुद्दामा संलग्न रहेको आरोपमा सर्वोच्च अदालतको मिति २०७४–०७–२९ गतेको फैसला अनुसार ४ बर्ष कैद भई फरार रहेका धरान उप–महानगरपालिका–१५ बस्ने ४० बर्षीय मणि प्रसाद लिम्बुलाई गाँउघरमा नै लुकिछिपी बसेको अवस्थामा फेला पारी पक्राउ गरेको हो ।
त्यस्तै बहु–विवाह मुद्दामा सम्मानित मोरङ जिल्ला अदालतको मिति २०७९–०२–०८ गतेको सजाय निर्धारण फैसला अनुसार बिराटनगर महानगरपालिका–११ का ४६ बर्षीय बिर्जु भन्ने बिरजु पासवान १० महिना २ दिन कैद र ५ हजार रुपैया जरिवानाको फैसला गरेको छ । त्यस्तै फरार रहेकी ३८ बर्षीय अनिता पासवानलाई खोजतलास गर्ने क्रममा गाउँघरमा नै लुकिछिपी बसेको अवस्थामा फेला पारी पक्राउ गरेका र ११ महिना १४ दिन कैद तथा ५ हजार रुपैया जरिवानाको फैसला गरेको छ । पक्राउ परेका उनिहरुलाई कैद भुक्तानको लागि कारागार पठाईएको छ
