ईटहरी । उदयपुरमा टिपरको ठक्करबाट चार वर्षीया बालिकाको मृत्यु भएको छ ।
प्रदेश नंं २–०३ ख ४३०९ नम्बरको टिपरले ठक्कर दिँदा स्थानीय एन्जिला राना मगरको मृत्यु भएको हो ।
टिपरको ठक्करबाट बालिकाको मृत्यु भएपछि उदयपुरको बेलका नगरपालिका ४ को लालबजार शुक्रबार तनावग्रस्त बनेको छ ।
मदन भण्डारी राजमार्गको चतरापुल–बेल्टार खण्डमा निर्माण समाग्री ढुवानी गर्ने टिपरको ठक्करबाट मृत्यु भएपछि घटनास्थल क्षेत्र तनावग्रस्त बनेको हो।
आक्रोशित भीडले राजमार्गमा चल्ने २ वटा टिपर र बेलका नगरपालिकाको पानी बोक्ने ट्याक्टरमा आगो लगाएका छन्।
घटनाबारे थप अनुसन्धान भइरहेको प्रहरीले जनाएको छ ।
