झापाको कन्काई नगरपालिका –३ की ४५ बर्षीया सुनिता कार्कीलाई श्रीमानको हत्या गरेको आरोपमा प्रहरीले पक्राउ गरेको छ ।
श्रीमती कार्की र श्रीमान ५३ बर्षीय टेक बहादुर कार्की बिच यही बैशाख ८ गते बेलुका घरायशी बिषयमा बादबिबाद हुँदा श्रीमतीले श्रीमानलाई कुटपिट गर्दा घाईते भएका कार्कीलाई उपचारको लागी प्रादेशीक अस्पताल भद्रपुर लगिएको थियो ।
उपचार पश्चात घर ल्याएपछि बैशाख २४ गते बिहान मृत्यु भएको ईलाका प्रहरी कार्यलयले जानकारी दिएको छ ।
संगै ईलाका प्रहरी कार्यालय अनारमनीबाट खटिएको प्रहरी टोलीले उनकै श्रीमतीले हत्या गरेको हुन सक्ने भनि उनकी श्रीमती सुनिता कार्कीलाई पक्राउ गरेको छ ।
घटनाबारे थप अनुसन्धान भईरहेको प्रहरीले जनाएको छ ।
