इटहरी । मोरङ र झापाको दुई छुट्टाछुट्टै स्थानबाट लागूऔषध ब्राउनसुगरसहित तीनजनालाई प्रहरीले पक्राउ गरेको छ ।
लागूऔषध नियन्त्रण ब्यूरो विराटनगरबाट खटिएको प्रहरी टोलीले विराटनगर १५ बाट केराबारी गाउँपालिका १० का ३० वर्षीय विकल ठकुरी र २२ वर्षीय कालुराम मगरलाई ०.२९ ग्राम लागूऔषध ब्राउनसुगरसहित आइतबार दिउँसो पक्राउ गरेको हो ।
को २७ प ६६४७ नम्बरको मोटरसाइकलमा सवार रहेका उनीहरूलाई चेकजाँच गर्दा लागूऔषध बरामद भएको र इलाका प्रहरी कार्यालय रानीबाट अन्य थप अनुसन्धान भइरहेको छ ।
यसैगरी लागूऔषध नियन्त्रण ब्यूरो काकडभिट्टाबाट खटिएको प्रहरी टोलीले बुद्धशान्ति गाउँपालिका ४ का २२ वर्षीय सुरेन्द्र राईलाई १ ग्राम लागूऔषध ब्राउनसगुरसहित मेचीनगर ६ को पुरानो मेची पुलबाट आइतबार दिउँसो पक्राउ गरेको हो।
पक्राउ परेका राईको सम्बन्धमा इलाका प्रहरी काकडभिट्टाबाट थप अनुसन्धान भइरहेको प्रहरीले जनाएको छ ।
