इटहरी । काठमाडौं महानगरपाललिकाका मेयर बालेन्द्र शाह ९बालेन० को आदेशमा सिंहदरबारको फोहोर नउठ्न थालेपछि सिंहदरबारको फोहोर सिंहदरबारले नै उठाउन थालेको छ।
देशको प्रमुख प्रशासनिक निकाय सिंहदरबार, मन्त्री निवास, अतिविशिष्ट र विशिष्ट पदाधिकारीको निवासमा रहेको फोहोर शहरी विकास मन्त्रालयले उठाउन थालेको हो।
मन्त्रालयले उक्त क्षेत्रको फोहोर उठाउन परिवर्तन सेवा प्रालिसँग सम्झौता गरी उठाउन थालेको विज्ञप्तिमार्फत् जनाएको छ। मन्त्रालयले बैशाख ३ गतेको मन्त्रीस्तरीय निर्णयले फोहोर उठाउनका लागि सो कम्पनीसँग सम्झौता गरेको जनाएको हो।
काठमाडौं महानगरले संवैधानिक एवं कानूनी प्रावधान विपरित फोहोरमैला व्यवस्थापन गर्ने कार्यमा आफ्नो दायित्वबाट विमुख भई अवरोध श्रृजना गरेको शहरी विकास मन्त्रालयले जनाएको छ।
